Qazaq24.com, Tengrinews.KZ дереккөзінен алынған ақпаратқа сүйене отырып жаңалық таратты..
Маңғыстау - Қарағанды бағытындағы №079 пойыздың жолаушылары әлеуметтік желіде вагондағы кондиционердің істемейтініне және ауа жоқтығына шағымданды, деп хабарлайды Tengri Travel Lada.kz сайтына сілтеме жасап.
Жолаушылардың айтуынша, бұл мәселе екінші вагонда туындаған. Олар кондиционерлердің істемейтінін, соның салдарынан вагон іші өте ыстық екенін айтты.
"Вагон ыстық! Күйеуімнің жүрегі ауырады, осы вагонмен Қарағандыдағы шипажайға бара жатыр. Жолсерік істемейтін кондиционерлер оның құзыретіне кірмейтінін айтты. Вагонда қарттар мен балалар отыр", - делінген үндеуде.
Сонымен қатар жолаушылар вагонның техникалық жағдайына көңілдері толмайтынын білдіріп, "Қазақстан темір жолы" басшылығынан бұл жағдайға назар аударуды сұрады. Үндеу авторының сөзінше, пойызға отырғызу 9 тамызда болған.
"Жолаушылар тасымалы" АҚ баспасөз қызметі аталған пойызға жеке тасымалдаушы қызмет көрсететінін хабарлады.
"Бұл пойыз "Ulytau Express" ЖШС жеке тасымалдаушысына тиесілі. Жеке тасымалдаушылардың қызметі "Жолаушылар тасымалы" АҚ-ға және жалпы ҚТЖ-ға қатысы жоқ", - деп мәлімдеді ұлттық компания.
Компанияның баспасөз қызметі жеке тасымалдаушылардың қызметін Көлік министрлігі реттейтінін түсіндіріп, жолаушыларға шағыммен сол мекемеге жүгінуге кеңес берді.
Google News арқылы жаңалықтарымызды қадағалаңыз
Жазылу