Qazaq24.com, Tengrinews.KZ дереккөзінен алынған ақпаратқа сүйене отырып мәлімет бөліседі..
20 жастағы турист аустриялық Альпідегі боранда жалғыз қалды. Ол шаршап, денесі мұздап, ары қарай жүре алмай қалғанда, қасындағы екі серігі жолын жалғастыра берген. Ер адамға құтқарушыларға хабарласуға тура келді, деп хабарлайды Tengri Travel.
"Жалғыз қалды": оқиға қалай болды?
Мюльбах тау-құтқару қызметінің мәліметінше, оқиға 31 қазанда болған. Өткен сенбіде Германиядан келген үш жас альпинист басқа альпинистің ескертулері мен қолайсыз ауа райы болжамына қарамастан, Хохкёниг массивіндегі "Кёнигсйодлер" бағытына шыққан.
Анықтама: "Кёнигсйодлер" (Königsjodler) - бұл Шығыс Альпідегі ең танымал, ұзын және техникалық тұрғыдан күрделі жоғары таулы виа ферраталардың (металл арқандармен және қапсырмалармен жабдықталған жартасты бағыттар) бірі. Ол Аустрияның Зальцбург федералды жеріндегі Хохкёниг (Hochkönig) тау массивінде орналасқан.
Анықтама: Bergrettung Mühlbach am Hochkönig (Мюльбах тау-құтқару қызметі) - бұл Аустрияның Зальцбург федералды жеріндегі Хохкёниг (Hochkönig) тау массиві аумағында жұмыс істейтін ерікті тау-құтқару бекеті.
Бағыттан шығатын жолда, шамамен 2600 метр биіктікте, неміс азаматтарының бірі көтеріле алмай, жергілікті уақыт бойынша сағат 19:00 шамасында құтқарушылардан көмек сұраған. Бұл уақытта оның серіктері өрлеуді жалғастырып, түнде 2941 метр биіктікте орналасқан, қазір жабық тұрған Матрахаус тау панасына жеткен.
Адамдар боранға қарсы
Instagram-дағы бұл жарияланымды көру
Көмекке шақырылған құтқару тікұшағының экипажы ауа райы жағдайына байланысты неміс альпинисіне жете алмады.
Туристі іздеуге 11 құтқарушы аттанды. Олар онымен телефон арқылы байланыста болып, жылыну жолдарын түсіндірді және таудан өз бетінше түспеуін ескертті. Құтқарушылар ер адамға түн ортасына таман жетті. Бірақ ең қиыны әлі алда еді: оны таудан алып шығу керек болды.
Түн ішінде шамамен 20 сантиметр қар жауды. Соқпақ жол қар астында қалып, көріну нашарлады, ал тік беткейлерде шағын көшкіндер жүрді. Туристі қауіпті учаскеден түсіру үшін құтқарушылар оны арқанмен байлап бекітті.
Instagram-дағы бұл жарияланымды көру
Bergrettung Mühlbach am Hochkönig (@bergrettung_muehlbach_hkg) жарияланымы
Эриххютте тау лашығына дейінгі жол да ұзақ уақытты алды. Топ ол жерге жергілікті уақыт бойынша таңғы 8:18-де - турист шұғыл қызметтерге қоңырау шалғаннан кейін 13 сағаттан аса уақыт өткенде жетті.
Тау-құтқару қызметі қолайсыз ауа райы құтқарушылардың өзіне үлкен қауіп төндіргенін атап өтті.
Топтың қалған екі мүшесіне де Биргкар учаскесі арқылы түспеуге кеңес берілді.
Анықтама: Биргкар - аустриялық Альпідегі Хохкёниг тау массивіндегі тік жартасты учаске, ол күрделі және қауіпті еңісімен танымал.
Зальцбург тау-құтқару қызметінің хабарламасы жарияланған сәтте олар Артурхаус бағытындағы қалыпты жолмен түсіп келе жатқан.
Анықтама: Артурхаус (Arthurhaus) - Хохкёниг массивіндегі таулы туристік кешен және бағыттардың бастапқы нүктесі.
Аустрия полициясы тергеу бастадыОқиғадан кейін Аустрияның альпілік полициясы тергеу амалдарын бастады. Құқық қорғау органдары бағытта нақты не болғанын және туристің қандай жағдайда жалғыз қалғанын анықтауы керек.
Понгау ауданының тау-құтқару қызметінің басшысы Герхард Кремсер ауа райы болжамын ескермеу, өз күшін асыра бағалау және таудағы бағытты жоспарлаудағы қателік қайғылы жағдайда әкеп соғуы мүмкін екенін еске салды.
Еске салсақ, Алматы тауларында Талғар асуы маңында жоғалып кеткен 73 жастағы Оңтүстік Корея азаматын іздеу жұмыстары жалғасып жатыр. Ер адамның іздестіріліп жатқанына бір айдан асты, алайда әзірге оны табу мүмкін болмай отыр.
Бізді Google-дың негізгі дереккөздер тізіміне қосыңыз
Қосу