Sputnik.KZ парақшасынан алынған ақпаратқа сүйене отырып, Qazaq24.com хабарлама жасады..
АСТАНА, 23 қаңтар – Sputnik. Жұмыс берушілердің есебінен зейнетақы қорына аударылған міндетті жарналардың көлемі жарияланды , деп хабарлайды Sputnik Қазақстан еңбек және халықты әлеуметтік қорғау министрлігіне сілтеме жасап.
Қазақстанда екі жыл бұрын жұмыс берушінің міндетті зейнетақы жарналары енгізілген болатын. Оның мөлшері жыл сайын өседі. Атап айтқанда, 2024 жылы - 1,5%, 2025 жылы – 2,5%, ал 2026 жылы жұмыскер жалақысының 3,5 процентін құрайды.
"2025 жылы жұмыс берушілер 5 514 050 жұмыскердің пайдасына 760 млрд теңге міндетті зейнетақы жарналарын аударған", - делінген ресми хабарламада.
Айта кетері, жұмыс берушінің зейнетақы жарналары 1975 жылғы 1 қаңтардан кейін туған адамдар үшін ғана жасалады.
Салық кодексіне сәйкес, жұмыс берушінің бұл шығыстары салық салынатын табыстан шегерімге жатқызылады. 2028 жылға қарай осы жарналардың мөлшерлемесі 5%-ға дейін артады.