Жүргізушілер алаңдаулы: Атырауда шетелдік нөмірлі көліктерге тексеру күшейді

Egemen.KZ парақшасындағы ақпаратқа сәйкес, Qazaq24.com хабар таратты..

21 мамыр күні Атыраудағы «Салтанат сарайы» маңындағы автотұрақта 200-ден астам көлік иесі жиналды. Олардың басым бөлігі армян, грузин және ресейлік нөмірмен тіркелген автокөліктер болды. Жүргізушілер полиция тарапынан жүргізілетін тексерулер мен айыппұлдарға байланысты алаңдаушылық білдірді, деп хабарлайды Egemen.kz.

фото: azh.kz

Жергілікті «Ақ жайық» басылымының жазуынша соңғы күндері қалада басқа өңірлерден келген қосымша полиция жасақтары көбейген. Бұған дейін полицейлер жүргізушілердің құжаттарын, сақтандыру полистерін, дәрі қобдишасын, өрт сөндіргішін және шетелдік тіркеудегі көліктерді тексерген.

Жүргізушілердің бірі Әділбек Табылдыев грузин нөмірлі көлікті бірнеше жыл бұрын сатып алғанын айтты. Оның сөзінше, бұған дейін еш қиындық болмаған, ал қазір сақтандыруды шұғыл рәсімдеу талап етіліп жатыр.

Бейресми мәлімет бойынша, Атырауда шетелдік нөмірлі бес мыңнан астам көлік бар. Көліктердің көбі Грузия мен Арменияда тіркелген.

Жиналғандардың айтуынша, оқиға орнына полиция, әкімдік, прокуратура және ҰҚК қызметкерлері келген. Алайда жүргізушілер нақты түсіндіру жұмыстары жүргізілмегенін айтты.

Ал полиция департаменті өңірде күшейтілген профилактикалық шаралар өтіп жатқанын хабарлады. Ведомство мәліметінше, рейдтердің мақсаты – қоғамдық тәртіпті сақтау, жол қауіпсіздігін қамтамасыз ету және құқықбұзушылықтардың алдын алу.

Соңғы жаңалықтар

Түркістан облысында 5 жастағы қызды ит қауып алды

Оқиға • Бүгін, 08:45

Бүгін 1 долларды қанша теңгеге сатып алуға болады?

Теңге • Бүгін, 08:30

Қазақстанның 16 облысында ауа райына байланысты ескерту жарияланды

Ауа райы • Бүгін, 08:00

Эверестте жаңа рекорд орнатылды: Бір күнде 274 альпинист шыңға көтерілді

Әлем • Бүгін, 00:53

АҚШ-қа виза уәде етіп, қазақстандықтарды 900 млн теңгеге алдаған турфирма басшысына үкім шығарылды

Қоғам • Бүгін, 00:26

ШҚО-да полицейлер зейнеткерді алаяқтардан құтқарып қалды