Sputnik.KZ парақшасынан алынған деректерге сүйене отырып, Qazaq24.com хабарлама жасады..
АСТАНА, 5 қазан – Sputnik. Ішкі істер министрлігі жыл басынан бері жанар-жағармай материалдарын ел аумағынан заңсыз әкету мақсатында қосымша жанармай багын орнатқан 537 жүргізушіні анықтады.
"Жыл басынан бері жалпы сыйымдылығы 150 тоннадан асатын қосымша 537 бакты заңсыз орнату фактісінің жолы кесілді", – делінген министрлік хабарламасында.
Ведомствоның мәліметінше, еліміздегі 48 автомобиль өткізу пунктінде полиция қызметкерлерінің тәулік бойы кезекшілігі ұйымдастырылған. Қосымша жанармай бактарымен жабдықталған көлік құралдарына ерекше назар аударылып отыр.
"Мысалы, 2 қазанда Жамбыл облысында көршілес мемлекеттің азаматы жүк көлігіне рұқсатсыз 500 литрлік қосымша бак орнатқаны анықталды. Ер адам әкімшілік жауапкершілікке тартылып, бак алынып тасталды", – деп атап өтті ІІМ.