Астана Үрімші рейсі мамырдың соңында қайта іске қосылады

АСТАНА, 29 сәуір – Sputnik. FlyArystan әуекомпаниясы мамырдан бастап Астана – Үрімші – Астана бағыты бойынша тікелей рейстерді қайта іске қоcылатынын хабарлады.

2026 жылдың 31 мамыры мен 23 қазаны аралығында рейстер аптасына үш рет орындалады:

Астанадан Үрімшіге – сейсенбі, бейсенбі және жексенбі күндері,

Кері бағыттағы рейстер – дүйсенбі, сәрсенбі және жұма күндері.

"2023 жылғы қыркүйекте іске қосылған FlyArystan Астана – Үрімші бағыты Қазақстан мен Қытай арасындағы көлік байланысының маңызды бөлігіне айналды. Рейстердің қайта жандануы екі ел арасындағы жолаушылар ағынын арттыруға, туристік және іскерлік байланыстарды дамытуға, сондай-ақ екіжақты ынтымақтастықтың одан әрі кеңеюіне үлес қосады", - деп жазылған хабарламада.