​Атырау облысында мұз ойылып, ер адам суға түсіп кетті

Атырау облысының Құлсары қаласында ТЖМ құтқарушылары Қамыскөл көлінде мұз ойылып, суға түсіп кеткен ер адамды шығарып алды.

Оқиға бүгін болған. ТЖМ жедел-құтқару жасағының қызметкерлері оқиға орнына жедел жетті. 1951 жылғы ер адам судан шығарылып, жедел медициналық жәрдем бригадасына тапсырылды.

Алдын ала мәлімет бойынша, ол жол қысқартпақ болып, көлдің үстімен өтпекші болған. Алайда мұз ойылып кетіп, ол суға түсіп кеткен.

ТЖМ көктемгі уақытта мұз үстіне шығу өте қауіпті екенін тағы да ескертті. Құтқарушылар азаматтарды сақтық шараларын сақтауға және өмірлерін қатерге тікпеуге шақырды.

Бүгін, 16:36