Білім беру гранттары артты

Елімізде «Кітапхана ісі, ақпаратты өңдеу және архив ісі» мамандығына бөлінетін мемлекеттік грант саны екі есе артты.

Енді бакалавриат бойынша грант саны 20-дан 100-ге дейін көбейді. Бұл туралы Мәдениет және ақпарат министрлігінің Telegram арнасында хабарланды. Соңғы бес жылда бұл бағытта ауқымды жұмыстар атқарылды. Қазір елде 236 архив жұмыс істейді. Оның ішінде Президент Архиві мен төрт арнайы мемлекеттік мекеме бар. Жаңа архив ғимараттары Астанада, сондай-ақ Қордай, Жамбыл және Темір аудандарында ашылды. Айта кетсек, «Архив – 2025» жобасы аясында 14 елден мыңнан астам тарихи құжат жиналды. Қазақстан архивтері Сауд Арабиясы, Ресей, Литва және Түркиямен ынтымақтастық орнатты. Ал Қазақстан Жазушылар одағы әдеби және архивтік үш ірі жобаны жүзеге асыруда. Еске салайық, 2023 жылы Президент бастамасымен жас жазушылар мен ақындарға арналған әдеби сыйлық тағайындалды. Биыл алғаш рет Ұлттық кітап күні өтіп, үздік авторлар марапатталды. Сондай-ақ «Батырларға тағзым» веб-порталы да іске қосылды. Онда Ұлы Отан соғысына қатысқан 690 мыңнан астам қазақстандық туралы дерек жинақталған.