БҰҰ Қауіпсіздік кеңесінде орта державалардың үні естілуі тиіс

Президент орта державаларды БҰҰ Қауіпсіздік кеңесіне кеңінен қатыстыруға шақырды.

Кейінгі кезде құрылымды реформалау туралы ұсынысты ашық білдіріп жүрген Қасым-Жомарт Тоқаев Жапониядағы дәрісінде де бұл мәселені кейінге ысыруға болмайтынын жеткізді. "Қауіпсіздік Кеңесінде жауапты орта державалардың үні анық естілуге тиіс. Олар ірі ойыншылар арасында қайшылықтар болған жағдайда араағайындық жасап, шешімдерді ілгерілетуге септігін тигізе алады" деді мемлекет басшысы. Қазақстан сыртқы саясаттағы миссиясын осы бағытпен байланыстырады.