​Екібастұзда сыныптастар араға екі күн салып өз өздеріне қол жұмсады​

Екібастұз қаласында 17 жастағы ұл мен қыздың өз-өзіне қол жұмсауына байланысты қылмыстық істер қозғалып, тергеу жүргізіліп жатыр, деп хабарлайды Azattyq Rýhy.

Павлодар облыстық полиция департаментінің мәліметінше, әрбір жағдай жеке қаралып, жасөспірімдерді мұндай қадамға не итермелегені анықталуда. Қайғылы оқиғалар әртүрлі уақытта болғанымен, марқұмдардың бір-бірімен бұрыннан таныс болғаны белгілі болды.

Өңірлік бала құқықтары жөніндегі уәкіл Сауле Шакеневаның айтуынша, екі жасөспірім де 2008 жылы туған, толық әрі әлеуметтік жағдайы жақсы отбасыларда тәрбиеленген. Ұл бала 11-сыныпта оқыса, қыз колледждің бірінші курсында білім алған.

Алдын ала деректерге сәйкес, әрқайсысы өз үйінде көз жұмған, оларды туысқандары тауып алған. Жасөспірімдер психологтардың бақылауында болмаған, арнайы есепте тұрмаған. 

Бүгін, 09:42