Еуроодақ Украинадағы қақтығысты реттеу бойынша арағайын бола алмайды Макрон

АСТАНА, 19 маусым – Sputnik. Еуропалық Одақ Украинадағы қақтығысты реттеу бойынша арағайын бола алмайды, себебі ол Киевті қолдайды және оның жағында, деп мәлімдеді Франция президенті Эммануэль Макрон.

"Біз – Еуропалық Одақ және оған мүше елдер – Украинадағы қақтығысты реттеуде арағйын емеспіз. Біз Украинаны қолдаймыз, оған көмек пен қолдау көрсетеміз және Ресейге қарсы санкциялар енгіздік", - деді Макрон Еуропалық Кеңес отырысынан кейінгі баспасөз мәслихатында.

Сонымен қатар Макрон кейде Еуроодақпен достық қарым-қатынаста болып келген "кейбір державалар" бұрын өздерін осы қақтығысты реттеуде делдал ретінде көрсеткенін, бірақ бұл Еуропалық Одаққа қатысты емес мәлімдеді.

Бұған дейін Еуропалық Кеңестің президенті Антонио Кошта Еуроодақ елдерінің көшбасшыларымен Ресеймен келіссөздерге дайындықты талқылап жатқанын мәлімдеген болатын.

Ресей президенті Владимир Путин 4 маусымда Еуропалық Одақ Украинадағы келіссөздерге делдал бола алмайды, себебі делдал болу бейтараптықты білдіреді деп мәлімдеді. Сонымен қатар Владимир Путин Ресей Еуропамен келіссөздерді бастауға дайын екенін, бірақ асықпайтынын мәлімдеген.