Көлікті 5 минуттан артық жылытуға тыйым салу ІІМ шешім шығарды

Қазақстан ІІМ автокөлікті белгілі бір уақыттан артық қыздыруға тыйым салатын даулы нормаға қатысты шешім қабылдады. Бұл туралы Мәжілістің пленарлық отырысында министрдің орынбасары Санжар Әділов мәлімдеді,- деп хабарлайды Tengri Auto.

Қазақстан ІІМ автокөлікті белгілі бір уақыттан артық қыздыруға тыйым салатын даулы нормаға қатысты шешім қабылдады. Бұл туралы Мәжілістің пленарлық отырысында министрдің орынбасары Санжар Әділов мәлімдеді,- деп хабарлайды Tengri Auto.

Отырыс барысында Мәжіліс депутаттары көптеген талқылау тудырған даулы норманы еске салды. Депутаттар елді мекендерде қыс мезгілінде көлік қыздыруға қойылған тыйымды толығымен алып тастауды ұсынды. Сонымен қатар, тиісті белгілері бар тұрғын үй аймақтарында шектеуді сақтап қалу ұсынылды.

Санжар Әділов ІІМ мұндай бастаманы қолдайтынын айтты.

"Расында да, талқылаулар болды. Жұмыс топтары жұмыс істеді. ІІМ ұстанымын қысқаша айтсам: министрлік бұл ұсыныстарды қолдайды", – деді министрдің орынбасары.

Бұған дейін Қазақстанда көлікті ұзақ қыздырғаны үшін салынатын айыппұлдар туралы жазған болатынбыз. Экология министрі Ерлан Нысанбаев тіпті солтүстік өңірлерде көлікті қыздыруға бес минут жеткілікті екенін мәлімдеген. Шенеунік қыста көлікті түні бойы далада қалдырып, эксперимент жүргізуге де уәде берген. Кейінірек шенеунік видео түсіріп, әлеуметтік желіде бөлісті. Қазақстандықтар жауап ретінде өз эксперименттерін көрсетті.

Кейінірек сенатор Марат Қожаев көлікті бес минуттан артық қыздырғаны үшін айыппұл салу жаңа шара емес екенін нақтылады. Ол бұрыннан қолданыста және экологиялық нормаларды сақтауға бағытталған.

Жүргізушілерді Мәжіліс депутаты Снежанна Имашева да жақтап, көлікті "тіпті 55 минут" қыздыруға болатынын айтты. Оның әріптесі Серік Ерубаев та қолданыстағы жазаны қайта қарауға шақырды.

Нәтижесінде Солтүстік Қазақстан облысының прокуратурасы Әкімшілік құқық бұзушылық туралы кодекс талаптарының өрескел бұзылуын анықтап, жергілікті тұрғынға бұған дейін салынған көлікті 5 минуттан артық қыздырғаны үшін айыппұлды жойды. Дегенмен, даулы норманың өзі күшінде қалды. Көлікті қыздыру уақытын әр өңірде жеке белгілеу ұсынылды.

Google News арқылы жаңалықтарымызды қадағалаңыз