Маңғыстауда бетін тұмшалаған 50 шақты адамға ескерту жасалды

— Әзірше ескерту беріліп жатыр. Содан кейін 10 АЕК, яғни, 39320 теңге көлемінде айыппұл салынады, — делінген хабарламада.

Маңғыстау облысы Полиция департаментінің экстремизмге қарсы іс-қимыл басқармасы мен қоғамдық қауіпсіздік басқармасының қызметкерлері бірлесіп, халық көп шоғырланатын орындарды аралап, тұрғындарға заң талаптарын егжей-тегжейлі түсіндіріп жүр. Олар азаматтарға қоғамдық орындарда бет-жүзді тануға кедергі келтіретін киімдерді киюге болмайтынын айтып, ақпарат берді. 

Аталған шектеулер құқықбұзушылықтардың алдын алуға, қоғамдық тәртіпті сақтап, қауіпсіздікті күшейтуге арналған. 

Бұған дейін, Атырауда бет-жүзін бүркемелеген 11 адам жауапқа тартылған болатын.