Нұрайдың өліміне қатысты күдіктінің ақыл есі дұрыс деп танылды

АСТАНА, 30 сәуір – Sputnik. Нұрай Серікбайдың өліміне қатысты күдіктінің ақыл-есі дұрыс деп танылды. Бұл туралы ішкі істер министрінің орынбасары Санжар Әділов айтты.

Сараптама қорытындысы бойынша айыпталушының ақыл-есі дұрыс деп танылған.

"Күдікті ақыл-есі дұрыс адам ретінде заң алдында жауап береді. Қазіргі уақытта тергеу аяқталуға жақын", - деді Әділов.

Еске сала кетейік, 11 қаңтарда Шымкентте 21 жастағы Нұрай Серікбайды пышақтап өлтіріп кеткен. Осы айдың басында күдікті психиатариялық клиникаға жатқызылғаны белгілі болды.

Себебі екі рет жүргізілген сот-психиатриялық сараптаманың қорытындысы бойынша күдіктіден психикалық бұзылыстар анықталып, осыған байланысты ол мамандандырылған мекемеге мәжбүрлі емдеуге жіберілді.

Полицияның айтуынша, тергеушілер жәбірленуші тараппен тұрақты байланыста.