Путин АҚШ тың жаңа санкцияларына қатысты пікір білдірді

АСТАНА, 23 қазан – Sputnik. Ресей президенті Владимир Путин АҚШ-тың санкцияларын Ресей-АҚШ қарым-қатынастарын нығайтпайтын достыққа жат әрекет деп атады, деп хабарлады РИА Новости.

"Егер саяси аспекті туралы айтатын болсақ, онда, әрине ол Ресейге қатысты достыққа жат әрекет, бұл анық. Бұл акт енді ғана қалпына келе бастаған ресейлік-америкалық қатынастарды нығайтпайды", - деді Путин журналистерге.

Бір күн бұрын АҚШ "Роснефть", "Лукойл" және олардың еншілес компанияларына қарсы шараларды қамтитын Ресейге қарсы санкциялардың жаңа пакетін жариялады. Сонымен қатар, АҚШ президенті Дональд Трамп Будапештте Путинмен кездесуден бас тартқанын, бірақ болашақта онымен кездесуді жоспарлап отырғанын мәлімдеді.

Журналистердің Дональд Трамптың екіжақты кездесуден бас тартуы туралы сұрағына жауап берген Владимир Путин Трамптың оны кейінге қалдыруды меңзеген болуы мүмкін екенін айтты.

Ресей басшысы Трамппен соңғы сұхбатында оның өзі Будапештте саммит ұйымдастыруды ұсынғанын айтты. Ресей басшысының айтуынша, шараға дайындықсыз бару қателік болар еді. Ол Ресей әрқашан диалогты жалғастыруды қолдайтынын баса айтты.

Сонымен қатар Путин Киевке "Томагавк" зымырандарын жеткізу туралы әңгімені қақтығысты шиеленістіру әрекеті деп атады.