Қытай Ормуз бұғазы арқылы кеме қатынасын қалпына келтіруге көмектесуі керек Трамп

АСТАНА, 16 наурыз – Sputnik. АҚШ президенті Дональд Трамп Қытай Ормуз бұғазы арқылы кеме қатынасын қалпына келтіруге көмектеседі деп күтетінін айтты, деп хабарлайды РИА Новости.

"Менің ойымша, Қытай көмектесуі керек. Себебі Қытай мұнайының 90%-ын бұғаз арқылы алады", - деді америкалық көшбасшы Financial Times басылымына берген сұхбатында.

Трамп бұл оның Қытайға сапары алдында болуы керек екенін нақтылады.

Бұған дейін АҚШ президенті Қытайды, Францияны, Жапонияны, Оңтүстік Кореяны, Ұлыбританияны және басқа да елдерді Ормуз бұғазына әскери кемелер жіберуге шақырған болатын.

28 ақпанда АҚШ пен Израиль Тегеранды қоса алғанда, Ирандағы нысандарға шабуыл жасай бастады, салдарынан ғимараттарға залал келіп, бейбіт тұрғындар көз жұмғаны туралы хабарламалар тарады. Иран Израиль аумағына, сондай-ақ Таяу Шығыстағы АҚШ-тың әскери нысандарына жауап ретінде шабуыл жасап жатыр.

Иран төңірегіндегі шиеленіс Парсы шығанағы елдерінен әлемдік нарыққа мұнай мен сұйытылған табиғи газ жеткізудің негізгі бағыты болып табылатын Ормуз бұғазының бұғатталуына әкеліп, аймақтағы мұнай экспорты мен өндіріс деңгейіне әсер етті.