“Шөл ортасындағы бұлақ“ Маңғыстауда туристер үшін бірегей орын табылды

Маңғыстау облысында ең тәжірибелі қазақстандық саяхатшылардың өзі біле бермейтін бұлағы бар жер табылды, деп хабарлайды Tengri Travel.

Маңғыстау облысында ең тәжірибелі қазақстандық саяхатшылардың өзі біле бермейтін бұлағы бар жер табылды, деп хабарлайды Tengri Travel.

Үстірт қорығының өкілдері Instagram парақшасында шөл даладағы ерекше жер туралы айтып берді.

"Өнере бұлағы – Үстірт қорығындағы ерекше табиғи нысан. Бұлақ шөлді аймақта орналасқандықтан, жануарлар мен құстар үшін маңызды су көзі болып табылады", - деп хабарлады қорық.

Instagram-дағы бұл жазбаны көру

A post shared by Устюрт (@ustirt_kz)

Бұлақ айналасында өзіндік экожүйе қалыптасқан: мұнда Үстірт өңіріне тән өсімдіктер мен жануарлар кездеседі.

Өнере бұлағы Үстірт қорығының ерекше қорғалатын аумағында орналасқан.

"Кендірліге құятын арнасының ұзындығы 6,5–7 шақырым. Өнере - Қарынжарық ойпатына келетін туристердің сүйікті орны", - деп бөлісті қорық мамандары.

Координаттары мына сілтемеде.

Бұлаққа бармас бұрын ақылы рұқсаттама рәсімдеу қажет.

"Үстірт мемлекеттік табиғи қорығында екі туристік бағыт бар: "Өнере" және "Көкесем". Туристік бағыттарға барғаны үшін қорық бекітілген тарифтерге сәйкес көрсетілген туристік қызметтер үшін ақы алады", - деп толықтырды қорық әкімшілігі.

Бұлаққа өз бетіңізше бару мүмкін емес: нысан қатаң күзетіледі. Айта кетейік, туристерге от жағуға және қоқыс тастауға тыйым салынады.

Тағы оқыңыз: “Келсем, жабық екен“. Турист Алматы іргесіндегі ЮНЕСКО тізіміне енген көне қалашыққа кіре алмаған

Қазақстандық көрікті алқабы бар “құпия“ жерді тапты

Google News арқылы жаңалықтарымызды қадағалаңыз