Сидней жағажайындағы атыстан 10 адам қаза болды БАҚ

АЛМАТЫ, 14 желтоқсан - Sputnik. Сиднейдегі Бонди жағажайында болған атыстан он адам қаза тапты, деп жазды News.com.au. Бұл туралы РИА Новости хабарлады.

Австралияда белгісіз екі адам жағажайда жиналғандарға оқ жаудырды. Сидней жағажайындағы шабуылдың мақсаты еврейлердің Ханука мерекесіне арналған іс-шара болған.

"10 адамның қаза болғаны расталды", - деп жазады ақпарат порталы.

БАҚ мәліметінше, қаза болғандардың арасында балалар мен полицейлер бар. 13 адам ауруханаға жеткізілген.

Оқиға орнында шабуыл жасағандардың біреуінің көзі жойылды, екіншісі ұсталды.

Полициядағы дереккөз шабуыл бірнеше ай бойы дайындалды деп санайды, деп жазды басылым.