Талғат Байсуфинов Қазақстан құрамасының бас бапкері қызметінен кетті

Фото: sports.kz

«Талғат Байсуфинов ұлттық құрамадан кетті», деп жазды журналист әлеуметтік желідегі парақшасында.

Талғат Байсуфинов соңғы жылдардағы отандық футболдағы ең танымал жаттықтырушылардың бірі саналады. Ол еңбек жолында бірнеше рет ұлттық құраманы жаттықтырып, Қазақстан Премьер-лигасының бірқатар клубтарын да басқарды.

Талғат Байсуфинов ұлттық құраманың бас бапкері болып 2026 жылдың 28 қаңтарында тағайындалған болатын. Осы уақыт аралығында оның жетекшілігімен команда төрт матч өткізді.

Қазақстан құрамасы аталған кездесулерде екі жеңіске жетіп, бір ойында тең түссе, бір матчта жеңіліс тапты.

Талғат Байсуфинов: Ойын тұрақтылығын сақтай алсақ нәтижеге жетеміз

Талғат Байсуфинов жетекшілік еткен соңғы кездесу 9 маусымда өтті. Жолдастық матчта Қазақстан құрамасы сырт алаңда Венгрия ұлттық футбол құрамасына 3:1 есебімен жол берді.

Айта кетейік, мұндай шешімнің нақты себептері әзірге жарияланған жоқ. Жақын арада Қазақстан футбол федерациясы бас бапкердің отставкасы туралы ресми мәлімдеме жасауы мүмкін. 

Еске сала кетейік, 8 маусымда Қазақстан футбол федерациясы ұлттық құраманың бас бапкері Талғат Байсуфиновтың қызметінен кетуі мүмкін екені туралы ақпаратты жоққа шығарған еді.