Тоқаев Жапония премьер министріне көңіл айту жеделхатын жолдады

АСТАНА, 31 шілде – Sputnik. Мемлекет басшысы Жапония Премьер-министріне көңіл айту жеделхатын жолдады, деп хабарлады Ақорда.

"Президент Жапонияның Кумамото префектурасында болған жойқын жер сілкінісі салдарынан көптеген азаматтың қаза табуына байланысты премьер-министр Санаэ Такаичиге, жақындарынан айырылған отбасыларға және Жапония халқына көңіл айтты", - деп жазылған хабарламада.

Қасым-Жомарт Тоқаев қайтыс болған жандардың туыстарының сабырға келуіне, жарақат алған адамдардың тез арада сауығып кетуіне тілектестігін білдірді.

Жапонияның Кюсю аралындағы Кумамото префектурасында болған жойқын жер сілкінісінен қаза тапқандар саны 34-ке жетті.

Жиырма екі адам жеңіл жарақат алып, 39 адам орташа жарақат алған және бес адамның жарақаты ауыр. Тағы 20 адамның қандай деңгейде жарақат алғаны әлі анықталған жоқ.