Азия чемпионаты ма әлде темірдей тәртіп пе? Семейдегі пойызды кідірткен қандай жағдай?

Qazaq24.com, Egemen.KZ дереккөзінен алынған мәліметтерге сүйене отырып мәлімдеме жасады..

Семей теміржол вокзалында болған бұл оқиға бір қарағанда қарапайым көрінуі мүмкін. Бірақ тұтас бір пойызды 13 минутқа кідіртудің артында техникалық іркіліс емес, адами фактор жатқаны талайдың таңдайын қақтырып қана қойған жоқ, бір сәт ойға қалдырғаны рас, деп жазады Egemen.kz.

Жуырда облыс орталығынан 270 шақырымдай қашықта жатқан Көкпекті ауданынан бір топ мектеп оқушысы ұстаздарымен бірге Семейге жолға шығады. Оқушылардың ойға алып шыққан мақсаты – ел жүрегі Астана төрінде өтетін «Alem Tech Fest–2026» Азия чемпионатына қатысу еді. Робототехника саласында бақ сынайтын жас өнертапқыштар үшін бұл – жай сапар емес, арманға бастар асқақ жол-тұғын. Алайда қыстың қиғылығы мен қиырлығы көп күре жол жолаушыларды діттеген жерге дәл уақытында жеткермей дінкелеткен көрінеді. Сөйтіп ақпанның ақ түтек бораны жоспарды өзгертіп жіберді. Ауа райының құбылуына қарай жолдар жабылды. Жолаушылар Өскемен арқылы айналма бағытпен жүруге мәжбүр болды. Уақыт тығыз. Пойыз кестесі ешкімге тәуелді емес. Қолдарында – 28 билет. Бірақ 10-15 минут кешігу қаупі туындаған.

Рамазан айында пойыздарда алкоголь өнімдері сатылмайды

Осы сәтте ұстаздар ақылдаса келіп, тосын шешім шығарады. Вокзалдың анықтама бөліміне хабарласқан олар жағдайды айтып, мән-жайды түсіндіреді. Жолаушылардың келіп-кету кестесін жеті өлшеп, бір кесетін вокзал басшылығы тығырыққа тіреледі. Ақыры Семей вокзалы бастығының өкілі Зәмзагүл Кәрімова бөлімше кезекшісімен сөйлесіп, жолаушыларды күту мүмкіндігін қарастырады. Вокзал қызметкерлері тәуекелге барып, пойызды тоқтатып, балаларды күттіруге тура келеді. Осылайша №37 «Семей – Маңғыстау» пойызының тізгін қаңтарып қойғанына 10 минут асады. Бөгеліп тұған отарбаның өзі де, жайғасып абыр-сабыры басылған жүргіншілер де аң-таң. Механикалық қозғалысқа әбден бейім функтуал жүргіншілердің қыңқыл-сыңқылы көбейіп, кейбір кезде жолаушылар: «япыр-ау мынауың суықсырап, от алмай тұр ма, неге қозғалмайды, түге» деп байбалам бастала бергенде, 13 минут болған пойыздың күтіп тұрғанына. Осы кезде қызыл танау болған шүпірлеген оқушылар да перронға жетіп үлгерді.

8 наурыз мерекесіне орай пойыздарға қосымша вагондар қосылды

Қарлы боранды жарып жеткен оқушыларды 15-вагон алдында Зәмзагүл Кәрімова мен вокзал кезекшісі Құндыз Жантемірова ханым қарсы алды. Сол сәтте перрондағы салқын ауада бір ерекше жылылық сезілді дейді қуанған ұстаздар. Тіпті кейбір көңілшек ұстаздар қуаныш пен адами жылылыққа еріксіз жылып та алған көрінеді. Өйткені кейде жолға үлгеру – тек логистика ғана емес, ол да бір жеңіс секілді сезілетіні бар ғой. Ал шалғай ауылдан шыққан балалардың шаттығында шек жоқ. Купелеріне көңілді жайғасқан.

Әрине, мұндай шешім арнайы хаттамамен рәсімделеді. Теміржол тәртібі қатаң. Десек те тәртіптің өзегінде адами жағдайы тұруы заңдылық. Темір де, терсек те адам игілі үшін. Бұл жолы солай болды да. Енді осындай жағдайда үлкен додаға атанған оқушылардың иығындағы жауапкершілік салмағы арта түсті. Бірақ олар шынымен де ел сенімін ақтап, өңір жұртшылығын қуанышқа бөледі.

Жолаушыларға ескерту: Пойызда қандай әрекеттерге тыйым салынады?

Астанаға жеткен жас робототехниктер Азия чемпионатында жүлделі орын алып оралды. Жеңіс қуанышы елге жеткенде: «Бұл жеңісті Семей вокзалы қызметкерлеріне арнаймыз. Солардың арқасында әлемдік додаға қатыса алдық», деп ағынан жарылып, әлеуметтік желіге ақ жарма тіліктерін жаудырды ұстаздар. Расында, балалар пойызды тоқтатқан жоқ, оларды өз армандары тосып тұрған еді.

Міне, таңғы 7-ден 20 минут өтті. Мен вокзалда болған оқиғаны сол жерде, күту залында қолма-қол түсіріп болдым да перронға шықтым. Бағыт: Семей – Аягөз. 22 минут кеткенде пойыз қозғалу керек-тұғын. Пойыз 10 минут кешігіп тоқтады. Отарбаев ағамша ойландым: «бұл кешігіп жеткен пойыз бүгін кімді қуантты, кімді мұңайтты екен...» деп.

Семей

Соңғы жаңалықтар

Нанға жасырылған сәлемдеме: Өскеменде түзеу мекемесіне телефонды заңсыз өткізбек болғандар ұсталды

Аймақтар • Бүгін, 15:57