Sputnik.KZ дереккөзінен алынған мәліметтерге сүйене отырып, Qazaq24.com түсініктеме жасады..
АСТАНА, 28 шілде – Sputnik. Батыс Қазақстан облысындағы Орал орман шаруашылығы аумағында шыққан табиғи өртті сөндіру жұмыстары жалғасып жатыр, деп хабарлады Төтенше жағдайлар министрлігінің баспасөз қызметі.
Әуеден өртті сөндіруге ТЖМ-нің "Қазавиақұтқару" АҚ және ҚР Экология және табиғи ресурстар министрлігінің "Қазавиаорманқорғау" РМК тікұшақтары жұмылдырылған.
"Өртті сөндіру жұмыстарын екпінді жел қиындатып отыр. Соған қарамастан, бөлімшелер өртті толық сөндіру бойынша қажетті жұмыстарды жалғастырып жатыр", - деп жазылған хабарламада.
Өртті ауыздықтауға 80-ге жуық адам, 10 бірлік жерүсті техникасы және 2 тікұшақ тартылған. Авиация көмегімен жалпы көлемі 68 тонна суды құрайтын 46 рет су төгу жұмыстары жүргізілді.