Qazaq24.com, Tengrinews.KZ дереккөзінен алынған мәліметтерге сүйене отырып түсініктеме береді..
Мәжілісте премиум санаттағы көлік кортеждері мен 1001 раушан гүлі сыйланған мектеп бітіру кештері сынға алынды. Депутаттар мұны "мақтаншақтық парады" және талғамсыздық деп атады. Халық қалаулылары Қазақстандағы мектеп бітіру кештерінде "орынсыз салтанатқа" жол бермеу механизмін енгізуді талап етті, деп хабарлайды Tengrinews.kz тілшісі.
Мәжілісте премиум санаттағы көлік кортеждері мен 1001 раушан гүлі сыйланған мектеп бітіру кештері сынға алынды. Депутаттар мұны "мақтаншақтық парады" және талғамсыздық деп атады. Халық қалаулылары Қазақстандағы мектеп бітіру кештерінде "орынсыз салтанатқа" жол бермеу механизмін енгізуді талап етті, деп хабарлайды Tengrinews.kz тілшісі.
Көлік кортеждері мен алып гүл шоқтары туралыҚазақстанда мектеп бітіру кештері барған сайын әмиян жарыстыру мен көзбояушылыққа айналып барады. Мұндай мәлімдемені Мәжіліс депутаты Жарқынбек Амантай жасады.
Оның айтуынша, кейінгі жылдары мектеп бітіруді мерекелеу өзінің терең "тәрбиелік мәнін" жоғалтқан. Мектеп бітіру кештері орынсыз мақтаншақтық пен жасанды сән-салтанат алаңына айналды.
Мәжілісмен келесідей мысалдарды келтірді:
"Алматыда мектеп бітірушілердің кортежіне байланысты 21 ата-ана жауапкершілікке тартылды. Маңғыстау облысында түлектердің қымбат көліктермен жүйткіп, әлеуметтік желілерде сән-салтанат көрсеткен бейнежазбалары тарады".
Амантай мектеп бітіру кештеріндегі алып гүл шоқтарын да атап өтіп, мұны оқушылар арасындағы "бәйгеге" теңеді.
Сән-салтанатқа тыйым салына ма?"Өкінішке қарай, мұндай бәсекелестік көптеген отбасыға айтарлықтай психологиялық және қаржылық қысым түсіріп жатыр. Кейбір ата-ана баласы қатарластарынан қалмауы үшін несие алуға немесе гүлдер мен сыйлықтарды бөліп төлеуге сатып алуға мәжбүр екенін ашық айтады. Бұл табысы төмен отбасылардан шыққан балалар үшін оңай емес екені анық", – деп есептейді мәжілісмен.
Депутат вице-премьер – мәдениет және ақпарат министрі Аида Балаеваның атына жолдаған сауалында мектеп бітіру кештерін өткізудің бірыңғай стандартын әзірлеуді және ысырапшылыққа тыйым салуды ұсынды.
Лимузин мінген бүлдіршіндер"Соңғы қоңырау мен мектеп бітіру кештерінде шектен тыс сән-салтанатқа, автокортеж бен қоғамдық қауіпсіздікке қатер төндіретін әрекеттерге жол бермеудің нақты тетіктерін енгізу керек. Мектеп бітіру мәдениетін қалыптастыру бойынша тұжырымдамалық ұсыныстар әзірленсін", – деді мәжілісмен.
Белгілі болғандай, Қазақстандағы пафосты мектеп бітіру кештерінің толқыны тек жоғары сынып оқушыларын емес, мектеп жасына дейінгі балаларды да шарпыған. Депутат Ирина Смирнованың айтуынша, бүлдіршіндерге арналған мерекелердің ауқымы мен шығыны өскееі соншалық, "той-думан мен шоуға" айналып кеткен.
"Бұл балалар арасында мақтаншақтық, менмендік идеологиясын, талғамсыз сән-салтанатты насихаттап, әлеуметтік шиеленіс пен теңсіздік тудырады", – деді ол.
Депутат әртүрлі өңірден мысалдар келтірді:
20 мамырда Астанада балабақша түлектері үшін ата-аналар қымбат лимузинді жалға алған. Жамбыл облысында балабақшамен қоштасу кеші нағыз той сияқты өтті – бүлдіршіндер үшін автокортеж, мейрамханада банкет және кәсіби әртістердің өнері ұйымдастырылған."Әлеуметтік желілерде мектеп бітіру, бастауыш сыныптарды, тіпті балабақшаны аяқтауға қатысты резонанстық фактілер тарап жатыр. Мәселен, 25 мамырда TikTok желісінде Ақтау мен Жаңаөзендегі бірнеше мектептің 11-сынып түлектері салтанатты шара үшін 10 премиум-класс көлігінен тұратын кортеж ұйымдастырғаны туралы видео жарияланды. Сондай-ақ қоғамдық тәртіпті бұзу деректері де анықталды", – деп кейіді депутат.
Шымкентте 11-сынып бітірушілерінің біріне жасалған сыйлық желіде қызу талқыланды – қызға салтанатты рәсімде 1001 раушан гүлі салынған алып себетті әкеліп берген.
"Мектеп бітіру шараларынан түсірілген бейнематериалдар мәртебе мен қымбат атрибуттарды көрсету трендінің белең алып жатқанын аңғартады. Мұндай контент әлеуметтік желілерде белсенді тарап, шығындардың орындылығы мен шара форматының балалардың жасына сәйкестігі төңірегінде қоғамдық пікірталасқа арқау болып отыр", – деп есептейді мәжілісмен.
Оның пікірінше, бұл мектептердегі тәрбие жұмысы сапасының төмендегенін көрсетеді, өйткені мектепте балаларға үнемшілдік, теңдік, қарапайымдылық және ысырапшылық пен көзбояушылықтан бас тарту құндылықтары егілуі тиіс.
Депутат министр Аида Балаеваның атына жолдаған сауалында ата-аналармен түсіндіру жұмыстарын жүргізуді және "лауазымды тұлғалардың жеке жауапкершілігін қамтамасыз етуді" ұсынды.
Мән-жайыӨткен аптада Қазақстанда соңғы қоңырау соғылды. Әлеуметтік желілерде бұл күнді "понт жәрмеңкесі" деп атап кетті. Құны 100–200 мың теңгеге дейін жететін алып раушан гүлдері басты трендке айналды. Тіпті гүл дүкендері мұндай гүл шоқтарын бөліп төлеуге ұсына бастаған.
Видеодан кадрлар
Мерекеден кейін желіде мектеп бітірушілердің қымбат гүл шоқтарын хабарландыру арқылы қайта сатпақ болғаны да талқыланып, көпшіліктің сыны мен келемежіне ұшырады.
Фото: әлеуметтік желілерден
Ал Жаңаөзенде сыныптардың бірі премиум-жолталғамайтын және спорттық көліктерден тұратын кортеж жалдаған. Сондай-ақ әлеуметтік желіде бұл колоннаға тікұшақ ілесіп жүргені туралы видео пайда болды, бірақ бұл нейрожелі көмегімен жасалуы әбден мүмкін.
Instagram-дағы бұл жарияланымды көру
Мобилограф | Контент продюсер Бекболат | Ақтау Жаңаөзен (@real_beksss) жарияланымы
Видео желіде тез тарап, түлектер мен олардың ата-аналарына қатысты қызу талқылау мен сын толқынын тудырды.