Qazaq24.com, Egemen.KZ дереккөзінен алынған ақпаратқа сүйене отырып мәлімет бөліседі..
Фото: Үкімет
ХВҚ бағалауынша, мұнай бағасының жоғары болуы, ішкі сұраныстың тұрақты өсуі және инвестициялар ағыны Қазақстан экономикасының орнықты дамуына қолдау көрсетіп отыр. Банк секторы жеткілікті капитал мен өтімділік қорына ие.
Сонымен қатар қор сарапшылары инфляция деңгейінің әлі де жоғары екенін және мұнай экспортына қатысты тәуекелдер экономикалық перспективаларға әсер етуі мүмкін екенін атап өтті.
Экономикалық өсім баяулады2026 жылдың алғашқы бес айында нақты ішкі жалпы өнімнің өсімі 3,7 пайызды құрады. Бұл көрсеткіш 2025 жылдың соңындағы 6,5 пайыздық өсімнен төмен. Бұған негізінен Каспий құбыр консорциумы жүйесіндегі төтенше жағдай салдарынан мұнай өндіру көлемінің қысқаруы әсер еткен.
Алайда қызмет көрсету саласы, көлік, құрылыс және өңдеу өнеркәсібіндегі тұрақты көрсеткіштер мұнай өндірісінің төмендеуін ішінара өтеген.
ХВҚ болжамы бойынша, 2026 жылдың қорытындысында экономикалық өсім шамамен 4,6 пайыз болады.
Инфляция әлі де жоғарыХВҚ Қазақстандағы инфлияция мен тапшылық тәуекелі туралы ескерту жасады
Қор сарапшылары инфляция нысаналы 5 пайыздық деңгейге сенімді түрде жақындағанға дейін қатаң ақша-несие саясатын сақтау қажет деп есептейді.
Инфляция 2025 жылғы қыркүйектегі 12,9 пайыздан 2026 жылғы мамырда 10,4 пайызға дейін төмендегенімен, әлі де жоғары деңгейде қалып отыр.
Ұлттық банк 2026 жылдың маусымында базалық мөлшерлемені 100 базистік тармаққа төмендеткен. Дегенмен, ХВҚ инфляция биыл шамамен 10 пайыз деңгейінде сақталады деп болжайды.
Сарапшылар коммуналдық тарифтердің өсуі, квазимемлекеттік сектор шығындарының артуы және жылдың екінші жартысындағы инвестициялық жобалар инфляциялық қысымды күшейтуі мүмкін екенін ескертті.
Бюджет пен сыртқы теңгерім жақсарадыХВҚ пікірінше, мұнай бағасының жоғары болуы мен салық реформалары бюджет жағдайын жақсартуға ықпал етеді.
Жаңа Салық кодексінің енгізілуі және шығындарды бақылау нәтижесінде мұнайға тәуелді емес бюджет тапшылығы қысқарады деп күтіледі.
Сондай-ақ 2025 жылы ІЖӨ-нің 4,1 пайызы көлемінде болған ағымдағы операциялар шотының тапшылығы 2026 жылы шағын профицитке айналуы мүмкін.
Қазақстанның халықаралық резервтері импортты шамамен 10 ай бойы қаржыландыруға жеткілікті деңгейде сақталып отыр.
Банк секторы тұрақтыҚаржы министрі Мәди Такиев Қазақстандағы ХВҚ басшысымен кездесті
ХВҚ банк жүйесінің жалпы жағдайын оң бағалады. Банктерде капиталдандыру, өтімділік және табыстылық деңгейі жеткілікті.
Жеке тұлғаларды несиелеуге қатысты енгізілген макропруденциялық шаралар тұтынушылық кредиттердің өсу қарқынын қалыпты деңгейге түсіруге көмектескен.
Проблемалық несиелердің үлесі төмен, ал ықтимал шығындарға арналған резервтер жеткілікті деп бағаланды.
Негізгі тәуекелдерҚор сарапшылары мынадай қауіптерді атады:
ішкі сұраныстың шамадан тыс артуы; импорт бағасының қымбаттауы; әлемдік қаржы нарықтарындағы белгісіздік; инвестициялардың баяулауы; Каспий құбыр консорциумы жұмысының ықтимал бұзылуы.Сонымен бірге мұнай бағасының жоғары деңгейде сақталуы және реформалардың тиімді жүзеге асырылуы экономикаға қосымша қолдау көрсетуі мүмкін.
ҰсыныстарҚазақстан ХВҚ-ның ұсынымдарын жоғары бағалайды - Серік Жұманғарин
ХВҚ Қазақстанға:
мемлекеттік сектордың экономикадағы үлесін азайтуды; жеке инвестицияларды көбейтуді; капитал нарығын дамытуды; цифрлық, кадрлық және материалдық инфрақұрылымды жаңғыртуды; бюджеттік және квазимемлекеттік қаржы тәртібін күшейтуді ұсынды.Сондай-ақ сарапшылар Цифрлық теңге бюджеттік және Қазақстан Республикасының Ұлттық қоры қаражатының мақсатты әрі ашық жұмсалуын бақылауға мүмкіндік беретін маңызды құрал болуы мүмкін екенін атап өтті.
ХВҚ қорытындысында жүргізіліп жатқан реформалар мен тиімді экономикалық саясат инфляцияны тежеуге, сондай-ақ экономиканың ұзақ мерзімді әрі әртараптандырылған өсуін қамтамасыз етуге көмектесетінін мәлімдеді.