Arasha.KZ парақшасынан алынған ақпаратқа сүйене отырып, Qazaq24.com хабарлама жасады..
Мәскеуде оннан астам Қазақстан мен Өзбекстан азаматы суық вагонда қамауда ұсталып, іс жүзінде тамақсыз қалған. Олардың құжаттары екі аптадан астам уақыт бойы қайтарылмай жатыр, деп хабарлайды Arasha.kz.
Қазақстандық Еркін Б. «Осторожно, новости» басылымына TikTok-тан құрылысшы бос жұмыс орнын көргенін айтып берген.
Оның айтуынша, жарнама жариялаған қазақстандық агенттік айына 1,2 миллион теңге жалақысы бар ресми жұмысқа орналастыруға уәде берген. 20 қаңтарда Еркін Ресейге автобуспен келген: онымен бірге Қазақстанның тоғыз азаматы және Өзбекстанның екі азаматы болған. Ер адамның айтуынша, Мәскеуде олар «Ромспецстрой» ЖШҚ-мен шарт жасасқан, кейін жұмысшылардан банк шоттарын, сим-карталарды рәсімдеу және ІІМ-ге есепке қою үшін деген сылтаумен құжаттарын алып қойған. 23 қаңтарда оларды Красногорскідегі нысанда орналасқан құрылыс вагонына жайғастырған.
«Жуынғыш болған жоқ, су әкелу үшін 500 метр жүру керек еді. Ол жер суық, өмір сүру мүмкін емес, жігіттер тұмаумен ауырып қалды. Бізді іс жүзінде тамақтандырмады, бір рет кешкі ас орнына екі-екіден самса сатып әперді. Ыстық тамақ болмады, біз суық түскі асты жеп жүрдік», — деді Еркін.
Оның сөзінше, екі күннен кейін жұмысшылар өздерін хостелге көшіруді, азық-түлік, шәйнек пен мультиварка сатып алуды талап еткен. Ал бір ерлі-зайыптыға төлқұжаттарын қайтарып, құс фабрикасына жібергенін айтады.
«Екі апта ішінде Ресейде әрқайсымыз бар болғаны алты мың рубльден алдық, бізді арнайы киім (спецодежда) үшін ақша төлеуге мәжбүрледі тіпті өз киімі барларға да. Бізді Сахароводағы көші-қон орталығына апарамыз деп уәде берген, бірақ осы уақытқа дейін олай істемеді. Бізді заңсыз бостандығымыздан айырды, қанады, бұл 21-ғасырда ақылға сыйымсыз дүние», — дейді Еркін.
Ол 18 күн өтсе де Қазақстанның жеті азаматы құжаттарын әлі де ала алмай отырғанын айтты. Сонымен қатар, «Спарк» мәліметтері бойынша, «Ромспецстрой» компаниясы тарату процедурасын бастаған және ол жұмыс істемейтін заңды тұлға болып шықты. Ал оларды Мәскеуге жіберген қазақстандық агенттік өкілі Еркін оған фотосуреттерді жіберген кезде жазысқан хаттарды өшіріп тастаған. 2 ақпанда жұмысшылар полицияға алаяқтық туралы ұжымдық арыз жазып, Қазақстан елшілігіне жүгінген.