Qazaq24.com, Sputnik.KZ дереккөзінен алынған мәліметтерге сүйене отырып ақпарат жариялайды..
АСТАНА, 1 шілде – Sputnik. Оқу-ағарту министрі Жұлдыз Сүлейменова жаңа оқу жылында мектепте енгізілетін пәндер мен міндетті курстарды атады, деп хабарлайды Sputnik Қазақстан тілшісі.
Бүгінде мектепте біліммен қатар, заңға бағынатын, еңбекті бағалайтын, мемлекет және қоғам алдындағы жауапкершілікті сезінетін азаматтарды тәрбиелеген маңызды.
"Жаңа оқу жылынан бастап білім беру мазмұны бірқатар жаңа міндетті курспен толықтырылады", - деді Сүлейменова үкіметтің бүгінгі отырысында.
5–7-сыныпта – "Конституция негіздері" пәні;
8–11-сыныптарда – "Заң мен тәртіп" міндетті курсы;
5–11-сыныптарда – "Жеке қауіпсіздік" міндетті курсы.
Ал келесі оқу жылынан бастап 8–9-сыныптарда "Қазақстан географиясы" пәні қайта енгізіледі.
"Бұған дейін таңдау пәні ретінде "Құқық негіздері" ендігі уақытта барлық оқушы үшін міндетті пәнге айналып, жаңа Конституцияның қағидаттарына толық сәйкестендірілген мазмұнда оқытылады", -деп түйіндеді министр.
Айта кетері, бүгін Қазақстанда жаңа Конституция күшіне енді.