Egemen.KZ парақшасынан алынған ақпаратқа сәйкес, Qazaq24.com хабарлайды..

Сенат төрағасы Мәулен Әшімбаев Қасиетті Тақтың еліміздегі Апостол­дық нунциі Джордж Джордж Панамтундилмен кездесті.

Онда рухани дипломатияны ілгерілету мен халықаралық серіктес­тікті кеңейту мәселелері талқыланды.

Сенат төрағасы Апостолдық нунциге ілтипат білдіре келіп, кейінгі жылдарда Қазақстан мен Қасиетті Тақ арасындағы көпжақты байланыс айтарлықтай жанданып, жаңа деңгейге көтерілгенін, еліміз оны одан әрі нығайтуға мүдделі екенін атап өтті.

Сондай-ақ ол Президенттің Ватиканға ресми сапары екіжақты ынтымақтастықтың дамуына тың серпін бергенін айтты.

– Еліміз Қасиетті Тақпен арадағы жүйелі түрде кеңейіп келе жат­қан тығыз қарым-қатынасқа үнемі баса мән береді.

Жоғары дең­гейдегі тұрақты байланыстар Қазақстан мен Ватикан ара­сындағы достық қарым-қаты­настың берік негізін қамтамасыз етеді.

Мемлекет басшысы былтыр Ватиканға ресми сапары кезінде Қазақстан шынайы достыққа, келісім мен өзара құрметке негіздел­ген Қасиетті Тақпен арадағы бұрыннан келе жатқан серіктес­тік бай­ланыстарды жоғары бағалай­тынын атап өтті.