Inform.KZ дереккөзінен алынған мәліметтерге сүйене отырып, Qazaq24.com түсініктеме жасады..
Жергілікті уақыт бойынша таңғы сағат 07:00-де қазақстандық дипломаттар мен сайлау комиссияларының мүшелері Қытайдағы дауыс беру учаскелерінің ашылу салтанатын өткізіп, Қазақстан Республикасының мемлекеттік әнұранын орындады.
Фото: Берік Табынбаев / KazinformҚытайдың төрт қаласындағы учаскелерде дауыс беру Астана уақыты бойынша 04:00-ден 17:00-ге дейін (жергілікті уақыт бойынша 07:00-ден 20:00-ге дейін) өтеді.
Фото: Берік Табынбаев / KazinformДауыстарды санау және дауыс беру нәтижелері туралы хаттамаларды толтыру учаскелік сайлау комиссиялары тарапынан жергілікті уақыт бойынша 20:00-де басталады.
Фото: Берік Табынбаев / KazinformДауыс беруге Қытай аумағында тұратын немесе уақытша жүрген Қазақстан азаматтары қатыса алады. Қытайдағы дауыс беру учаскелерінің мекенжайлары Қазақстан Республикасының Сыртқы істер министрлігінің ресми сайтында жарияланған.
Еске сала кетсек, Оңтүстік Корея мен Жапониядағы қазақстандықтар референдумда дауыс беруді бастады.
Сондай-ақ ең алғашқы дауыс беруші – Жапонияда оқитын студент Жібек Айдын болғанын жаздық.