Qazaq24.com, Sputnik.KZ дереккөзінен алынған ақпаратқа сүйене отырып жаңалық таратады..
АСТАНА, 28 қазан – Sputnik. Қасым-Жомарт Тоқаев учаскелік дәрігерлердің жалақысын еңбек өтіліне қарай 40 пайызға дейін арттыруды тапсырды , деп хабарлайды Sputnik Қазақстан тілшісі.
Бүгінгі Жолдауда президент жалпы практика дәрігерлерінің өкілеттігін кеңейтіп, бұл жүйені қаржыландыру көлемін кезең-кезеңімен ұлғайту қажеттігін жеткізді.
"Үкіметке келер жылдың 1 қаңтарынан бастап осы бағытта жұмыс істейтін учаскелік қызмет мамандарының жалақысын үздіксіз еңбек өтіліне қарай 40 пайызға дейін арттыруды тапсырамын. Бұл 77 мыңнан астам маманның табысын өсіруге мүмкіндік береді", - деді Тоқаев.
Сонымен қатар бүгін президент елдегі ең төменгі жалақы көлемін 85 мыңнан 110 мың теңгеге дейін ұлғайтуды тапсырды.