Egemen.KZ парақшасынан алынған ақпаратқа сәйкес, Qazaq24.com хабарлайды..
видеодан алынған кадр
Жұмысшылардың айтуынша, басшылық ауысқаннан кейін қауіпсіздік қызметінің қызметкерлері жеке шкафтарын, үстелдерін, жеке заттарын және тіпті тоңазытқыштарын да тексере бастаған. Ал 9 маусым күні зауыт аумағына полиция қызметкерлері мен қызметтік иттердің келуі жұмысшылардың алаңдаушылығын күшейткен.
Өз кезегінде «НДФЗ» ЖШС басшылығы қызметкерлердің жиналысы рұқсатсыз өткенін мәлімдеді. Кәсіпорын өкілдерінің түсіндіруінше, полиция мен кинологтардың қатысуымен жүргізілген тексеру есірткінің заңсыз айналымының алдын алуға бағытталған профилактикалық іс-шара аясында ұйымдастырылған.
Сондай-ақ зауыт әкімшілігі еңбек жағдайларын жақсарту және жалақыны кезең-кезеңімен көтеру жұмыстары жүргізіліп жатқанын атап өтті. Басшылық қызметкерлерді барлық даулы мәселелерді заң аясында шешуге шақырды.
Жамбыл облысында жылына 800 мың тонна күкірт қышқылын өндіретін зауыт іске қосылды
Осыған байланысты «Қазақмыс» корпорациясы да түсініктеме беріп, Жамбыл облысындағы «НДФЗ» ЖШС-нің «Фосфор зауыты» филиалы компания құрылымына кірмейтінін хабарлады.
Компания мәліметінше, «Қазақмыс» аталған кәсіпорынның қызметіне, басқару шешімдеріне, кадрлық саясатқа және зауыттағы оқиғаларға ешқандай қатысы жоқ. Сондай-ақ кәсіпорынның «Қазақмыс» тобына қатысы бар деген ақпарат шындыққа сәйкес келмейтіні атап өтілді.