Qazaq24.com, ссылаясь на сайт Informburo.KZ, передает.
Француз инженерлері Алекс Туссен мен Клови Пьедалю масалардың көзін жоятын "аңшы" микродронды әзірледі. Бүл туралы ycombinator.com платформасында жазылған.
Жоба Tornyol деп аталады, ад дронның салмағы бар болғаны 40 грамм. Дегенмен, оның ішіне смарт микрофондар, сенсорлар және жетілдірілген цифрлық сигналды өңдеу (DSP) жүйелері сыйып кеткен. Бұл технологиялардың көмегімен дрон маса шығаратын дыбыстық толқындарды анықтап, оның көзін жоя алады.
Алекс Туссеннің айтуынша, маса тарататын аурулардан жыл сайын 700 мыңнан астам адам көз жұмады. Ал олармен күреске жыл сайын миллиардтаған доллар қаражат шығындалады.
"Tornyol дрондары масаларды жою құнын 100 есеге дейін төмендетіп, безгек ауруын жоюға мүмкіндік береді. Жобамыз ауқымды түрде жүзеге асқан кезде, оны пайдаланушылар өз бақшасында 24/7 режимінде патруль жүргізетін Tornyol базалық станциясын орната алады. Құрылғыны айына небары 50 доллар төлеммен пайдалануға болады", – дейді жоба авторлары.
Масамен күрестің бұл түрінің бір артықшылығы – қоршаған ортаға ешқандай зиян келмейді. Яғни, масаны өлтіру үшін табиғат аясын улаудың қажеті қалмайды. Tornyol дрондары масаны физикалық түрде өлтіріп, көзін жояды.