​16 қазанда Қазақстанда телевидение мен радио уақытша өшіріледі

«Қазтелерадио» АҚ толассыз әрі сапалы телерадио хабарларын таратуды қамтамасыз ету мақсатында тоқсан сайын жерсеріктік, цифрлық және аналогтық эфир желілерінің техникалық құралдарында сервистерді жабу арқылы жоспарлы-профилактикалық жұмыстар жүргізеді.

2025 жылы 16 қазанда сағат 03:00-ден 17:00-ге дейін жерсеріктік, цифрлық және аналогтық эфир желілерінің техникалық құралдарында сервистерді жабу арқылы жоспарлы-профилактикалық жұмыстар жүргізіледі. Жұмыстарды жүргізу кезінде Қазақстан Республикасының барлық аумағында телерадиоарналардың ретрансляциясы уақытша тоқтатылады.

Компанияның баспасөз қызметінің хабарлауынша, бұл жұмыстар тоқсан сайынғы жоспарлы-профилактикалық жұмыстар сервисті ұзақ уақытқа өшіруге мүмкіндік беретінін ескере отырып, сапалы телерадио хабарларын таратуды қамтамасыз ету үшін қажет. Осы кезеңде техникалық құралдарды жаңғырту бойынша қосымша жұмыстар да жүргізіледі.

Қазтелерадио уақытша қолайсыздық үшін кешірім сұрай отырып, ұлттық хабар таратудың сапасы мен сенімділігін арттыру үшін уақытылы профилактика жұмыстарын жүргізу қажет екенін атап өтті.

Бүгін, 18:05