Әділет : кандидаттар Есіл ауданының тұрғындарымен кездесті

Сондықтан «Әділет» партиясының Құрылтай депутаттығына кандидаттары Ерлан Тоқшылық пен Ульяна Ашимова Солтүстік Қазақстан облысы  Есіл ауданындағы Луговое және Чириковка ауылдарының тұрғындарымен кездесіп, оларды толғандырған мәселелерді бірге талқылады.

Сапар барысында кандидаттар Покровка орта мектебінің педагогикалық ұжымымен де жүздесті. Кездесулер ашық әрі еркін пікір алмасу түрінде өтті. Тұрғындар ауылдардың даму келешегі, инфрақұрылымды жақсарту, отбасыларды әлеуметтік қолдау, медициналық көмектің қолжетімділігі және ауылдағы өмір сапасын арттыру мәселелері жөнінде өз ойларын ортаға салды. Өз кезегінде кандидаттар «Әділет» партиясының сайлауалды бағдарламасында қамтылған негізгі бастамаларды таныстырып, қатысушылардың сұрақтарына жауап берді.

«Ауыл тұрғындарына әдемі ұраннан бұрын нақты нәтиже мен жанашыр көзқарас маңызды. Осындай кездесулердің арқасында біз әр елді мекеннің өзіне тән мәселелерін тереңірек түсініп, тұрғындар көтерген ұсыныстарды алдағы жұмысымыздың негізіне айналдыра аламыз», – деді Құрылтай депутаттығына кандидат Ерлан Тоқшылық.

Кездесу барысында тұрғындар өз ұсыныстарын білдірсе, Покровка орта мектебінің ұстаздары ауыл мектебінің елді мекен өміріндегі ерекше рөліне тоқталып, жас мамандарды ауылға тарту және оларды қолдау мәселелеріне назар аударды. Кездесу кезінде айтылған барлық ұсыныстар партия өкілдерінің алдағы жұмысында ескерілетін болады.

Кездесу соңында кандидаттар ашық әрі мазмұнды әңгіме үшін тұрғындарға алғыс айтып, оларды Құрылтай депутаттарының сайлауына белсенді қатысып, «Әділет» партиясын қолдауға шақырды.