AI Kitap және Olympiq платформалары іске қосылады

Премьер-министр Олжас Бектенов IT-компания өкілдерімен кездесті. Жиында әлеуметтік сала мен өнеркәсіп бағытында жасанды интеллектке негізделген стартаптарды дамыту мәселесі талқыланды.

Кездесуде отандық Paradigm Shift (CodiPlay) компаниясы әзірлеген екі жоба таныстырылды. Атап айтқанда, AI Kitap цифрлық оқулығы мен OlympIQ спорт платформасы. Бұл бастамаларды пилоттық енгізу үшін мектептер мен спорт федерацияларының тізімі дайындалды. Сонымен бірге өндірістік процестерді оңтайландыру, энергетика мен көлік салаларының тиімділігін арттыруға арналған ЖИ-технологияларды енгізу жолдары қаралды. Осы тұста Үкімет басшысы уәкілетті мемлекеттік органдарға IT-мамандардың ұсыныстарын қарастыруды тапсырды.