Air Astana Пхукет бағытына қосымша 9 рейс қосты

Air Astana Наурыз мейрамы қарсаңында халықаралық рейстер санын көбейтті. Әсіресе туристер жиі таңдайтын бағыттарға қосымша рейстер енгізілді.

Ең көп рейс Пхукет бағытына қосылды. Наурыз мерекесі кезінде Алматы – Пхукет бағыты бойынша тағы 9 рейс орындалады.

Сонымен қатар әуекомпания Фукуок аралына ұшатын рейстерді күшейтті. Бұл бағытта енді Boeing 767 кең фюзеляжды ұшағы пайдаланылады, соның нәтижесінде орын саны 35%-ға артады. Наурыз айында Дели бағытына да рейстер саны көбейеді. Әуекомпанияның мәліметінше, Алматыдан Үндістан астанасына қосымша 13 рейс жоспарланған.

Бұдан бөлек, рейстер мына бағыттар бойынша да жиілейді:

Лондон

Мале

Стамбул

Тбилиси

Ташкент

Компания мәліметінше, көптеген жолаушылар қысқы маусымдағы соңғы демалысын дәл Наурыз мерекесіне жоспарлайтындықтан, рейстер санын арттыру туралы шешім қабылданған.

Сәуір айында да рейстер санын ұлғайту жоспарланып отыр. Мысалы, Астана – Франкфурт бағыты ай соңына дейін күн сайынғы рейске дейін көбейеді.

Сонымен қатар Алматы – Пхукет және Алматы – Бангкок бағыттарына да қосымша рейстер ашылады. Пхукетке ұшулар Boeing 767 ұшақтарымен орындалады.

Ал Алматы – Мальдив бағытындағы рейстер мамыр айының соңына дейін жалғасады. Наурыз мерекесі қарсаңында FlyArystan және Air Astana 16-29 наурыз аралығында ел ішінде 146 қосымша рейс орындайды. Оның 80-і Алматы – Астана  бағытына тиес