Әлеуметтік әмиян жобасын жетілдіру талқыланды

24.KZ парақшасынан алынған ақпаратқа сәйкес, Qazaq24.com хабарлайды..

Әлеуметтік әмиян жүйесі арқылы 1,6 млн бала ыстық тамақ, 2 млн-нан аса ересек дәрі-дәрмек алады. Алайда бюрократиядан босауға тиіс болған бұл жобаның тиімділігі әлі толық пайдаланылмай келеді.

Мысалы, қазан-қараша айларында небәрі 19 мың ата-ана мектептегі тамақ сапасына баға беріпті. Бұл жалпы ата-аналардың 1%-не да жетпейді. Тіпті кей өңір тұрғындары «Әлеуметтік әмияннан» келетін хабарламаларды алаяқтық амал деп қабылдайды. Осыған байланысты «AMANAT» партиясы 4 млн-нан аса азаматты қамтитын кең ауқымды жаппай оқу науқанын бастады. Өңірлер оқытуды келесі жылдың соңына дейін өздері ұйымдастырады. Оның сапасы есеппен емес, ата-аналардың белсенділігі және кері байланысымен анықталады. Жобаның жетістіктері де аз емес. «Әлеуметтік әмиян» арқылы қомақты қаражат үнемделіп жатыр. Сондай-ақ жүйені әлі де жетілдіру арқылы ашықтық қамтамасыз етіліп, тұрғындар тіршілігін жеңілдетуге мүмкіндік туған. Соның бірі – Денсаулық сақтау министрлігінің пилоттық жобасы...

Тамара Дүйсенова, «AMANAT» партиясы Саяси менеджмент академиясының директоры:

- Әр квартал сайын рецепт олардың әмияндарына келіп түседі, сол әмиянмен барып, поликлиника жанындағы әлеуметтік дәріханалардан алып жатыр. Енді Денсаулық сақтау министрлігі жалпы дәріханалардың азаматтарға қолжетімді болуы үшін осы «Әлеуметтік әмияндағы» рецептімен есік алдындағы коммерциялық дәріханалардан алу мүмкіндігін беретін пилотты жобаны қарастырып жатыр.

Соңғы жаңалықтар мен жаңартуларды жіберіп алмау үшін Qazaq24.com сайтынан бақылауды жалғастырыңыз, біз жағдайды қадағалап, ең өзекті ақпаратты ұсынамыз.