Алматы әуежайы толықтай түрік компаниясының бақылауына өтті

Бұл туралы Qazaqstan Investment Corporation (QIC) хабарлады. Компания «Бәйтерек» ұлттық басқарушы холдингінің құрамына кіреді. Мәліметке сәйкес, бұған дейін аталған 15% үлес Kazakhstan Infrastructure Fund инвестициялық қорына тиесілі болған. Енді ол толықтай TAV Airports компаниясының меншігіне өтті.

Қатонқарағайдағы жаңа әуежай қашан пайдалануға беріледі?

Отандық инвестициялық қор әуежай жобасына 2021 жылдың сәуірінде қатыса бастаған. Сол кезде ол жалпы құны 415 млн АҚШ долларын құрайтын инвестициялық жоба аясында 30 млн доллар инвестиция салған болатын.

Жасалған мәміледен кейін Қазақстан тарапы Алматы халықаралық әуежайындағы өз үлесін толық сатты.

Компанияның мәліметінше, осы жылдары әуежайда ауқымды жаңғырту жұмыстары жүргізілді. 2024 жылы ауданы 53,5 мың шаршы метр болатын жаңа халықаралық жолаушылар терминалы пайдалануға берілді. Сондай-ақ VIP-терминал мен инженерлік-техникалық ғимарат салынды.

Астана халықаралық әуежайы автотұрақ тарифтерін жаңартады

Жаңарту жұмыстарының нәтижесінде әуежайдың жолаушылар қабылдау мүмкіндігі артып, қызмет көрсету сапасы жақсарды.