Алматы әуежайында Lufthansa компаниясының ұшағына зақым келді

АСТАНА, 15 қазан – Sputnik. Әлеуметтік желіде Алматы әуежайында ұшаққа қатысты төтенше жағдай болды деген ақпарат тарады.

Әуежайдың баспасөз қызметі ақпаратқа түсініктеме беріп, толық мәлімет ұсынды. Оқиға 13 қазанға қараған түні болған.

"Алматы-Астана бағытында LH648 рейсін орындайтын Lufthansa әуе компаниясының Airbus A340 ұшағына жанармай құю аяқталғаннан кейін жанармай құю көлігі қозғалған кезде ұшақтың қозғалтқышына тиіп кеткен. Ұшақты дереу инженерлік қызмет мамандары тексерді. Тексеру кезінде қозғалтқыштың кпотында аздаған сызаттар анықталды", - деп хабарлады әуежайдағылар.

Қажетті техникалық процедуралардан кейін ұшақтың ұшуына рұқсат етілді. Қазір әуежайдың Ұшу қауіпсіздігі департаменті оқиғаға қатысты егжей-тегжейлі тергеу жүргізіп жатыр.

Әуежайдың баспасөз қызметі келтірілген қолайсыздықтар үшін жолаушылар мен экипаж мүшелерінен кешірім сұрайды.