Синоптиктер ескертуі: еліміздің басым бөлігінде ауа райы күрт құбылады

«Қазгидромет» РМК мәліметінше, Қазақстанның бірқатар өңірінде жаңбыр, найзағай, тұман, шаңды дауыл және желдің 15-20 м/с, кей жерлерде 25-28 м/с дейін екпін алуы күтіледі, – деп хабарлайды Aikyn.kz.
Шымкент қаласы мен Түркістан облысында жаңбыр жауып, найзағай ойнайды.
Еліміздің солтүстік, орталық және шығыс өңірлерінің жекелеген аудандарында тұман күтіледі.
Батыс Қазақстан, Атырау және Маңғыстау облыстарында шаңды дауыл болжанады.

«Қазгидромет» РМК деректері бойынша дауылды ескертулер:

Шымкент қ.: 13 қазанда түннің бірінші жартысында жаңбыр, найзағай күтіледі. Солтүстік-шығыстан жел соғады, екпіні 15-20 м/с.

13 қазанда Жамбыл облысының таулы аудандарында тұман күтіледі. Солтүстік-шығыстан жел соғады, күндіз облыстың таулы аудандарында 15-20 м/с күтіледі.

13 қазанда Түркістан облысының оңтүстігінде, тау бөктерлі аудандарында жаңбыр, найзағай, облыстың таулы аудандарында жауын-шашын (жаңбыр, қар), тұман күтіледі. Солтүстік-шығыстан жел соғады, облыстың батысында, таулы және тау бөктерлі аудандарында екпіні 15-20 м/с.

13 қазанда күндіз Батыс Қазақстан облысының батысында, оңтүстігінде шаңды дауыл күтіледі. Жел оңтүстік-шығыстан соғады, күндіз облыстың батысында, оңтүстігінде екпіні 15-20 м/с. Облыстың батысында, оңтүстігінде, шығысында жоғары өрт қаупі сақталады.

13 қазанда күндіз Атырау облысының батысында шаңды дауыл күтіледі. Оңтүстік-шығыстан жел соғады, күндіз облыстың батысында, солтүстігінде, оңтүстігінде екпіні 15-20 м/с. Облыс бойынша жоғары өрт қаупі, облыстың оңтүстігінде төтенше өрт қаупі сақталады.

13 қазанда күндіз Маңғыстау облысының батысында, оңтүстігінде, орталығында шаңды дауыл күтіледі. Оңтүстік-шығыстан жел соғады, облыстың батысында, оңтүстігінде, орталығында екпіні 15-20, күндіз кей уақыттарда 25 м/с күтіледі. Облыстың орталығында жоғары өрт қаупі сақталады.

13 қазанда түнде және таңертең Ақтөбе облысының солтүстігінде тұман күтіледі. Облыстың шығысында жоғары өрт қаупі сақталады, облыстың батысында, оңтүстігінде, орталығында төтенше өрт қаупі сақталады.

13 қазанда түнде және таңертең Қостанай облысының батысында, солтүстігінде тұман күтіледі. Облыстың оңтүстігінде жоғары өрт қаупі сақталады.

13 қазанда түнде және таңертең Солтүстік Қазақстан облысының батысында, оңтүстігінде тұман күтіледі. Солтүстік-батыстан соғатын жел солтүстік-шығысқа ауысады, күндіз облыстың батысында, оңтүстігінде екпіні 15-20 м/с.

13 қазанда түнде және таңертең Ақмола облысының батысында, солтүстігінде, оңтүстігінде тұман күтіледі.

13 қазанда Павлодар облысында жел солтүстік-батыстан соғады, күндіз облыстың солтүстігінде, шығысында екпіні 18 м/с күтіледі.

13 қазанда түнде және таңертең Қарағанды облысының батысында, солтүстігінде, шығысында тұман күтіледі. Облыстың батысында төтенше өрт қаупі сақталады.

13 қазанда түнде және таңертең Ұлытау облысының батысында, солтүстігінде, шығысында тұман күтіледі. Облыстың батысында, орталығында, оңтүстігінде төтенше өрт қаупі сақталады.

13 қазанда түнде және таңертең Шығыс Қазақстан облысының батысында, солтүстігінде тұман күтіледі. Оңтүстік-батыстан соғатын жел солтүстік-батысқа ауысады, күндіз облыстың солтүстігінде, шығысында екпіні 15-20 м/с.

13 қазанда түнде және таңертең Абай облысының орталығында тұман күтіледі.

13 қазанда Алматы облысының шығысында солтүстік-шығыстан жел соғады,  екпіні 15-20 м/с күтіледі.

13 қазанда түнде Жетісу облысының таулы аудандарында тұман күтіледі. 13-14 қазанда солтүстік-батыстан жел соғады, Алакөл көлдері ауданында екпіні 15-20, кей уақыттарда 23-28 м/с. 13-14 қазанда облыстың шығысында жоғары өрт қаупі сақталады.

13-14 қазанда Қызылорда облысы бойынша төтенше өрт қаупі, облыстың солтүстігінде, орталығында жоғары өрт қаупі сақталады.