P. Diddy түрмеден жедел жәрдеммен ауруханаға жеткізілді: рэперге не болды

People басылымының жазуынша, оқиға 10 қазан күні таңертең болған. Жағдайдан хабардар дереккөздің мәліметінше, жарақат рэпердің өміріне қауіп төндірмеген. Кейін музыкант түрмеге қайтарылып, жеке камераға орналастырылған. Оның қалай жарақат алғаны әзірге белгісіз.

Комбстың өкілі Джуда Энгельмайер рэпердің командасы оқиғаның мән-жайын анықтап жатқанын мәлімдеді. Оның айтуынша, қазіргі уақытта музыканттың денсаулығы мен амандығы басты назарда.

Қазіргі уақытта Комбс жезөкшелікпен айналысу мақсатында адамдарды тасымалдауға қатысты екі эпизод бойынша сотталғаннан кейін 50 айлық жазасын өтеп жатыр. Жарияланған мәліметтерге сәйкес, оның 2028 жылғы 2 наурызда бостандыққа шығуы жоспарланған.

Бұған дейін P. Diddy-дің Тупак Шакурдың өліміне қатысы бар екенін мойындағаны хабарланған болатын.