Australian Open 2026 турнирі: Заңғар Нұрланұлының нешінші нөмірде өнер көрсететіні белгілі болды

Түркістан облысының 17 жастағы өкілі бірден басты айналымға қосылады. Бұл турнирде Қазақстанның жасөспірімдер құрамасының тағы екі мүшесі – Дамир Жалғасбай мен Даниэль Тазабеков те өнер көрсетеді.

ITF жасөспірімдер рейтингісінде Заңғар әлемнің 24-ші, Дамир Жалғасбай 60-шы және Даниэль Тазабеков 94-ші ракеткасы болып табылады.

Бұл үш жас 2024 жылы Дэвис жасөспірімдер Кубогының командалық әлем чемпионатының финалында бірге ойнағанын баса айта кетелік. Сол кезде біздің жас таланттарымыз төрт дүркін әлем чемпиондары, Франция өкілдерін жеңіп, бесінші орынға тұрақтаған. Ал Нұрланұлы бірнеше ай бұрын АҚШ-тың жасөспірімдер арасындағы ашық чемпионатында тамаша өнер көрсетіп, жартылай финалға дейін жетті.