Әзербайжан жағалауында Каспий теңізіне ірі көлемде мұнай төгілді

Фото: 1news.az

Тікұшақпен барлау кезінде Пираллаха аралы мен Дюбенди жағалауы арасындағы су айдынында мұнай дағы анықталған.

Диагностикалық жұмыстардың қорытындысы бойынша ластану көзі «Азнефть» өндірістік бірлестігіне тиесілі суасты мұнай құбырларының бірі екені анықталды.

Мәскеудегі мұнай өңдеу зауыты дрон шабуылына ұшырады

Мұнайдың ағып кету орны табылғаннан кейін аталған құбыр арқылы мұнай тасымалдау дереу тоқтатылды. «Азнефть» тарапынан жедел штаб құрылып, жағдай бақылауға алынды.

Сондай-ақ бірлестіктің сүңгуірлер қызметі жүргізген тексеру нәтижесінде суасты мұнай құбырында механикалық зақымданулар анықталған. Бұл зақымданулар болжам бойынша якорьмен (зәкірмен) жанасу салдарынан пайда болған.

Зақым анықталғаннан кейін жөндеу-қалпына келтіру жұмыстары дереу басталды. Олар аяқталғанға дейін зақымданған құбырды пайдалану тоқтатылды, бұл теңізге мұнайдың одан әрі ағуын болдырмауды көздейді.

Еске салайық, АҚШ президенті Дональд Трамп Ормұз бұғазы арқылы теңіз қатынасы қайта жанданатынын мәлімдеуі жаһандық мұнай нарығына бірден әсер етіп, қара алтын бағасы 4 пайыздан астам төмендеді.