Бір креслоның құны 20 млн теңге: Әуезов университеті бюджет қаржысын жымқырған

Qazaq24.com, Egemen.KZ дереккөзінен алынған мәліметтерге сүйене отырып мәлімдеме жасады..

Қаржылық мониторинг агенттігі М.Әуезов атындағы Оңтүстік Қазақстан университетінде бюджет қаражатын жымқыру дерегі бойынша тергеудің аяқталғанын хабарлады, деп жазады Egemen.kz.

Фото: ҚМА

Іс бойынша күдікке ілінгендер қатарында бұрынғы бірінші проректор, қаржы және әкімшілік департаменттерінің директорлары, өндірістік-техникалық бөлімнің қойма меңгерушісі, сондай-ақ мердігер ұйымдардың басшылары бар.

Олар іс жүзінде сатып алынбаған немесе бағасы қолдан шарықтатылған мүлікті сатып алу туралы жалған мемлекеттік келісімшарттар жасасқан.

Жеке кәсіпкерлер мен коммерциялық ұйымдардың шоттарына аударылған қаражат кейіннен қолма-қол ақшаға айналдырылып, қылмысқа қатысушылар арасында бөлінген.

«Мысалы, осы схема аясында университет басшылығы нарықтық құны 200 мың теңгеден аспайтын бір креслоны 20 млн теңгеге сатып алған. Күдіктілер тауардың нақты жеткізілмегенін жасыру мақсатында тозған тауарларды университет балансынан формалды түрде есептен шығарып, мүлікті іс жүзінде пайдалануды жалғастырған. Ал есептен шығарылған мүліктің орнына келуі тиіс жаңа тауарлар мүлдем жеткізілмеген», делінген Қаржылық мониторинг агенттігі таратқан хабарламада.

Шымкент жастар театрының директоры бюджет қаржысын жымқырған

Осы сипаттағы қылмыстық жүйенің салдарынан мемлекетке 321 млн теңге көлемінде залал келтірілген. Тергеу барысында күдіктілер 264 млн теңгені ерікті түрде өтеген.

Сот санкциясымен күдіктілердің 4 тұрғын үйі мен 1 автокөлікке және банктік шоттардағы 40 млн теңге көлеміндегі ақшалай қаражатты қолдануға тыйым салынып, қылмыстық іс сотқа жолданған.