ЕАЭО: Ішкі жалпы өнім 2% ұлғаяды

Биыл Еуразиялық экономикалық одаққа мүше мемлекеттердің жиынтық ішкі жалпы өнім көлемі 2 пайызға ұлғаймақ.

Алдағы екі жылда өсім тұрақты болады деп болжанып отыр. Еуразиялық экономикалық одақ құрылғалы ұйым елдерінің бір-біріне салған тікелей инвестиция көлемі 20 млрд доллардан асты. Қазақстанға құйылған инвестиция жеті есе өсті. Өнеркәсіп өнімі 29 пайызға артып, 1,5 трлн долларды құрады. Қасым-Жомарт Тоқаев соңғы жылдардағы жаһандық дүрбелеңдерге қарамастан, ұйымға мүше мемлекеттердің экономикалық даму қарқыны бәсеңдемегенін айтты.