Елімізде тағы бір демалыс күні енгізілуі мүмкін

Қазақстанда қосымша демалыс күнін енгізу мәселесі қарастырылуы мүмкін. Бұл туралы Үкіметте өткен брифинг барысында Еңбек және халықты әлеуметтік қорғау вице-министрі Виктория Шегай айтып, – деп хабарлайды Aikyn.kz. сайты Tengrinews.kz. сілтеме жасап. 

Үкіметтегі брифингте журналистер Конституция күнін ұлттық мереке ретінде белгілеп, бұрын 16 желтоқсан – Тәуелсіздік күнінде болғандай, екі күндік демалыс енгізу жоспарда бар-жоғын сұрады.

Виктория Шегай тиісті өзгерістер қабылданғаннан кейін 25 қазан – Қазақстанда ұлттық мереке және ресми демалыс күні болатынын еске салды.

"Конституция күніне келетін болсақ, жаңа Конституция күшіне енгенде 25 қазан да мерекеге айналғанын білесіздер. Сондықтан иә, бұл сөзсіз мерекелік күн, ресми демалыс күні", – деді вице-министр.

Шегайдың айтуынша, болашақта кейбір басқа мерекелерге ұқсас тағы бір қосымша демалыс күнін енгізу мәселесі қоғам тарапынан тиісті сұраныс болған жағдайда қарастырылуы мүмкін.

"Екі демалыс күніне қатысты айтар болсам, бұл мәселе халықтың ерік-жігерін ескере отырып қаралады деп ойлаймын. Қазір бұл сұраққа жауап беруге дайын емеспін", – деді ол.

Болашақта мұндай бастаманың қарастырылу мүмкіндігі туралы нақтылаушы сұраққа вице-министр қысқа қайырды.

"Бұл мәселені қарастыруға болады деп ойлаймын", – деп толықтырды Виктория Шегай.