Еліміздің інжу маржаны Алакөлде туристік маусым басталды

Аймақ басшысы ауқымды концерттік бағдарламалар тамыз айына дейін жалғасып, аптасына екі рет, сәрсенбі, сенбі күндері ұсынылып отыратынын айтты. Өңірдің қала-аудандарының өнерпаздары, «Абай елі – өнер кеніші» облыстық байқауына қатысқан әнші, биші, күйшілер келіп, демалушыларға көтеріңкі көңіл-күй сыйлайтын болады.

Алакөл ажарланып келеді

Фестиваль аясында Қазақстанның Халық әртісі, күйші-композитор Секен Тұрысбек, дәстүрлі ән өнерінің өкілі Дінисламбек Жайлаубай, сондай-ақ, қазақ эстрадасының танымал жұлдыздары Дана Кентай, Еркеш Хасен, Қанай және Зарина Омарова өнер көрсетті. Өнерпаздардың әсем әндері мен күмбірлеген күйлері Алакөл жағалауына жиналған көрермендерге ерекше әсер сыйлап, мерекелік кештің сәнін кіргізді. Шара мерекелік отшашумен аяқталды.

Емдік су және бірегей табиғат: Алакөлге барудың бес себебі

Айта кетейік, туристік маусым қарсаңында Алакөл жағалауында инфрақұрылымды жаңарту және абаттандыру жұмыстары жүргізілді. Президент тапсырмасы аясында демалушыларға қолайлы жағдай жасау мақсатында жағалауға 50-ден астам санитарлық-гигиеналық торап орнатылып, 35 душ кабинасы, 110 киім ауыстыру орны, 100 қоқыс контейнері және 150 қоқыс жинауға арналған контейнер жаңадан қойылды.

Шомылу маусымына дайын: Алакөл жағалауында инфрақұрылым жұмыстары толық аяқталды

Туристердің қауіпсіздігін қамтамасыз ету мақсатында жағалауға ұзындығы 5 мың метр болатын қалқаншалар орнатылды. 224 бейнебақылау камерасы жұмыс істеп тұр. Соңғы екі жылда көл жағалауында 10 шақырым көше жолдарына асфальт төселді. Ерекше атап өтерлігі, биыл Үкіметтің қолдауымен ұзындығы 72 шақырым болатын «Көктал-Алакөл» электр желісінің құрылысы басталды. Бұл жоба Алакөл жағалауындағы электр қуаты тапшылығы мәселесін түбегейлі шешуге мүмкіндік береді.