Еліміздің ішкі жалпы өнімі алғаш рет 300 млрд доллардан аспақ

Еліміздің ішкі жалпы өнімі алғаш рет 300 миллиард доллардан асады. Биыл ел экономикасының өсімі 6%-ті алқымдайды деп болжанып отыр. Бұл соңғы 10 жылдағы ең жоғары көрсеткіш.

Осы ретте Президент Үкіметке дайын өнім экспортын арттыру ісімен белсенді түрде айналысуды тапсырды. Бұл салада жетістік мол. Өңдеу өнеркәсібіндегі қосымша құн көлемі бес жылда 25%-тен астам өсті. Бұл тау-кен саласынан едәуір жоғары көрсеткіш. Соңғы жылдары негізгі капиталға тартылған инвестиция 70% көбейді. Нақты сектордағы еңбек өнімділігі 40% артты. Ал шикізаттық емес экспорт көлемі 2 есе жуық ұлғайды. Тауарын шетелге өткізетін кәсіпорындар саны 3 есе көбейді. Соның арқасында бүгінде өнімдеріміз 140 мемлекетке шығарылады.