Испания әскери эскалацияға қарсы екенін тағы да мәлімдеді

АҚШ пен Израильдің Иранға қарсы әскери әрекеттері аясында Вашингтон Испанияның әскери ынтымақтастыққа келіскенін жариялаған еді. Алайда Мадрид бұл ақпаратты ресми түрде теріске шығарып, өзінің ұстанымы өзгермегенін мәлімдеді, деп хабарлайды Euronews.

Ақ үйдің баспасөз хатшысы Кэролайн Ливитт Испания премьер-министрі Педро Санческе АҚШ тарапынан қысым жасалғанын айтып, Мадрид соңғы сағаттарда америкалық әскери күштермен әрекеттерін үйлестіруге келіскенін жеткізген. Бірақ Испания Сыртқы істер министрі Хосе Мануэль Альбарес бұл мәлімдемені жоққа шығарып, елдің позициясы әскери қақтығысты күшейтуге қарсы екенін атап өтті.

Экономика министрі Карлос Куэрпо да Испанияның ұстанымы өзгермегенін растады. Еуропалық комиссия Испанияға бағытталған кез келген қысым немесе қауіптің бүкіл ЕО-ға қауіп екенін еске салды.

Премьер-министр Педро Санчес «Испания үкіметі өз азаматтарын, әсіресе әйелдерді қудалайтын ирандық режимді қолдамайды, бірақ әскери эскалацияға да қарсы» екенін айтты. Ал Иран президенті Масуд Пезешкиан Испанияның ұстанымын «Батыстағы ар-ұят пен этиканың белгісі» деп бағалады.

Бүгін, 21:52