Израиль Газа секторында атысты тоқтату режимін жаңартты

- Саяси эшелон директивасына байланысты және ХАМАС тарапынан бұзушылықтарға жауап ретінде бірқатар ірі соққыдан кейін ЦАХАЛ атысты тоқтату режимін сақтауды қамтамасыз ету жөніндегі шараларды жаңартты. ЦАХАЛ атысты тоқтату туралы келісімнің шарттарын орындауды жалғастырады және оның кез келген жағдайда бұзылуына қатаң жауап береді, - делінген Израиль армиясының Telegram-дағы хабарламасында.

Айта кетейік, 10 қазандағы атысты тоқтату келісіміне қарамастан Израиль әскері 19 қазанда Газа секторының солтүстігіндегі Джабалия аймағына әуеден соққы берді.

Қауіпті жағдайға байланысты құтқару қызметі оқиға орнына бірден жете алмады.

Палестинаның ресми ақпарат агенттігі WAFA-ның хабарлауынша, Израиль әскери ұшақтарының Жабалия босқындар лагеріне жасаған шабуылынан екі палестиналық қаза тауып, бірнеше адам жараланған.

Шабуыл Газадағы шиеленістің атысты тоқтатудан кейін де жалғасып жатқанын көрсетеді. Джабалия аймағы Израиль «сары сызық» деп белгілеген әскери аймақтарға жақын орналасқан.

Сонымен қатар Израиль армиясы Газа секторының оңтүстігіндегі Рафах қаласына әуеден соққы берді.