Мамыр айында Душанбеде су ресурстары жөніндегі халықаралық конференция өтеді

— Миллиардтаған адам әлі күнге дейін қауіпсіз ауызсу мен санитарияға қол жеткізе алмай отыр. Климаттың өзгеруі, халық санының өсуі және табиғи апаттар қаупі бұрын-соңды болмаған қысым көрсетіп отыр, бұл конференция тақырыбын өте өзекті етеді, — деп мәлімдеді вице-министр Санои Бойзода ТР Сыртқы істер министрлігінде өткен баспасөз мәслихатында.

Дипломаттың атап өтуінше, жоғары деңгейдегі Халықаралық конференция мемлекет және үкімет басшылары, министрлер, БҰҰ құрылымдары, халықаралық және аймақтық ұйымдар, қаржы институттары, ғылыми мекемелер және азаматтық қоғам өкілдерінің басын қосады.

— 31 мемлекет, 33 халықаралық ұйым және қаржы институты қатысуын растады. Форумға 2,5 мыңнан астам делегат жиналып, ол жаһандық су мәселелерін талқылауға арналған алаңға айналатыны күтіліп отыр, — деп ақпараттандырды ТР СІМ Энергетикалық саясат департаментінің басшысы Рустам Абдуллаев.

«Су тұрақты даму үшін 2018–2028 жылдар» Халықаралық іс-қимылдар онжылдығына арналған жоғары деңгейдегі халықаралық конференция 2026 жылдың 25-28 мамыры аралығында Тәжікстанның Душанбе қаласында өтеді. Душанбе су процесі бұрынғы конференцияларының (2018, 2022, 2024) жетістіктеріне сүйене отырып форум 2026 жылы Біріккен Ұлттар Ұйымының су конференциясына (Сенегал және БАӘ) дайындықтың негізгі кезеңі болмақ.

Осыған дейін Тәжікстанда Ұлттық су кеңесі өз жұмысын бастағанын хабарладық.